يا شين الفراق
يا مشتكي م الناس وبك دمع الاحداق
لو هم دروا بك اوجدوا لك شفاعة
لك صاحبٍ قد زاد في سهم الاعواق
مديت في يمناك له واقصر ذراعه
يغزيك طيفه كل ما لاح براق
وتشتاق له في كل لحظة وساعه
أدري السهر حسرات والدمع حرّاق
خيبات وقتك والظروف وطماعه
اصبر تجلّد خلي عن ذيك الاشواق
لا يلحقك م اللوم حب وضياعه
امسك زمام الوقت/والوقت ترياق
ساعات عمرك ماضيات بسراعه
ادفن همومك كلها بصدور الاوراق
لا ينجبر في خاطرك سوم وبضاعه
يا شينها الصدّه ويا شين الفراق
مير النفوس الزاكيات ف قناعه
لا تندّه المقفي ولا تصد الاعناق
اللي قدر فرقاه لك/تقدر وداعه
داود الجلنداني
ديسمبر2015
افضل اسعار التنظيف
ردحذفشركة تنظيف كنب بالاحساء
شركة تنظيف كنب بالدمام