ما يفيد البعد نوصله

.

..

.....

يا رفيقي بالعمر كله ما يفيد البعد نوصله
وان حكمت ان الخطا مني ما تفرق بيننا زله

وكل منا يعرف الثاني وادري ادري مثلي اتعاني
لا تطول بعدك عياني والنظر بالحيل متوله

وخل كلٍ مننا يفرح لا تخلي للزعل مطرح
وليش كلٍ مننا يجرح دام درب الفرح نندله

ولي متى يا خل بتصبر وكل يوم الجرح بي يكبر
دايم طيفك معي يسهر وهم بعدك روحي اشله

تغفل نجومي على طاريك وينكسف بدري وانا اراضيك
تدري اني بالعمر شاريك تحفره قبري قبل حله

وآهتي شقت حشا روحي واخنقتني العبره بنوحي
لا تزيد الآه وجروحي لك فؤادي بس لا تذله

وكان بعدي يسعدك يا خل عن حياتك شوفني راحل
هب عدل تقفي وتتجاهل خلك كانك لا مثل ظله

وشف عيون الشوق ما نامت والجفون من الدمع ذابت
والخواطر بعد ما طابت لا تكابر حبنا شله

لــ شاعر اماراتي
,.
,....